Bir böyrəyi iki dəfə köçürtdülər

İsraildə ilk dəfə böyrəyin təkrar transplantasiyası əməliyyatı həyata keçirilib

Ölkə.Az xəbər verir ki, İsrailin "Beylinson" xəstəxasında resipientin bədənində olan böyrək nəqli həyata keçirilib.

Belə ki, 9 il əvvəl böyrək nəqli keçirmiş 55 yaşlı qadın vəfat edincə, onun böyrəyi xəstə qardaşına köçürülüb. Bu metodika dünyada bəzi klinikalarda həyata keçirilsə də, İsraildə ilk dəfə təcrübə edilib.

Professor Eyton Morun sözlərinə görə, böyrəyin təkrar köçürülməsində əsas çətinliy əvvəlki əməliyyat zamanı qoyulan tikiş izləri yaradır. Bu qan damarlarının birləşməsinə və orqanın yeni bədənə uyğunlaşmasına bəzi problemlər yarada bilir. Professorun sözlərinə görə, cərrahlar böyrəkdəki damarların zədələnmədiyinə əmin olduqdan sonra onun yenidən istifadəsi barədə qərar veriblər.

Tibb işçiləri xəstənin əməliyyatdan sonrakı vəziyyətini kafi qiymətləndirirlər.

İlhamə
Ölkə.Az