Pul - xoşbəxtlikdir?

Pulla xoşbəxtlik hormonu ifraz olunur

Kasıbların beyni varlılarınkından pis işləyirmiş

Söhbət heç də zəif qidalanmadan və işdə yüklənmədən getmir. Araşdırmalar nəticəsində məlum olub ki, kasıblıq genetik səviyyədə beynin işinə təsir göstərir.

Bu, inanılmazdır, lakin faktdır. Kasıbların beyin fəaliyyəti varlılardan fərqlənir.

Ölkə.Az-ın məlumatına görə, Dyuk Universitetinin alimləri bu rəyə gəliblər. Onlar insanın maliyyə vəziyyəti ilə beyinin bioloji xüsusiyyətləri arasındakı əlaqəyə dair apardıqları təqdiqatların nəticəsini "Molecular Psychiatry" jurnalında dərc ediblər.

Ekspimentdə 130-a yaxın varlı və aztəminatlı ailələrdən çıxmış yeniyetmə iştirak edib. Maraqlı bir fakt ortaya çıxıb. Kasıb ailələrin uşaqlarında beynin badamvari cismi daha zəif fəaliyyət göstərir.

Beynin bu hissəsi SLC6A4 geninin işi ilə əlaqədardır. Məhz bu cisim beyində serotonin hormonunun miqdarını tənzimləməyə kömək edir. Məlum olduğu kimi serotonin xoşbəxtlik hormonu sayılır, beyində bu hormonun yetərsiz həcmdə ifrazı depressiyalara səbəb olur. Əlbəttə, heç kim kasıblığın irsən keçdiyini israr etmir. Lakin bu araşdırmalar "pulla səadət olmaz" , "pul əl çirkidir" kimi şablon ifadələrin kökündən yanlış olduğunu isbat edir.

İlhamə
Ölkə.Az