Meymunun ölümünə səbəb olan uşağın valideynlərini həbs etmək istəyirlər

Minlərlə amerikalı meymunun ölümünə səbəb olmuş uşağın valideynlərinin cəzalandırılmasını tələb edir

Ölkə.Az xəbər verir ki, Amerikanın Ohayo ştatında 14 min nəfər meymunun ölümünə səbəb olmuş 3 yaşlı uşağın valideynlərinin cəzalandırılması tələbi ilə petisiya imzalayıb.

Qeyd edək ki, bir müddət öncə Sinsinatti şəhər zooparkında uşaq Xarambe adlı qorillanın qəfəsinə daxil olub. Zoopark işçiləri uşağın həyatını xilas etmək üçün qorillaya atəş açmalı olublar.

"Biz aşağıda imza atanlar bu uşağın valideynlərinin Xarambenin ölümü ilə nəticələnmiş səhlənkarlıqlarına görə məsuliyyətə cəlb edilmələrini istəyirik. Biz onun bacı və qardaşlarının gələcəkdə belə bir insidenti təkrar etməmələri və həyatlarını təhlükəyə atmamaları üçün uşağın ailəsindəki vəziyyətin öyrənilməsini tələb edirik",- deyə petisiyada bildirilir.

Hadisə şahidlərinin sözlərinə görə, 3 yaşlı uşaq meymunun qəfəsində 10 dəqiqə qalıb və meymun onu qəfəsin içərisində sürüyüb. Xəstəxanaya yerləşdirilmiş uşağın həyatı üçün təhlükə yoxdur.

İlhamə
Ölkə.Az