İsveçrə atmosferdən dəm qazını soran qurğu yaradır

İsveçrənin "Climeworks" şirkəti dünyada ilk dəfə olaraq Yer atmosferindən karbon qazını soran kommersiya qurğusu yaradacaq.

Daha sonra bu qurğunun kənd təsərrüfatı istehsalçılarına satılması planlaşdırılır.

Bu barədə Ölkə.Az Rusiya KİV-lərinə istinadən məlumat verir.

Şirkətin ilk zavodunu bu ilin sentyabr və oktyabr aylarında açması planlaşdırılır. Tikinti quraşdırma işləri Sürix yaxınlığında həyata keçirilir. Qurğunun tikintisində DAC (Direct air capture) texnologiyasından istifadə olunacaq.

Analoji texnologiyadan sualtı qayıqlarda və beynəlxalq kosmik stansiyalarda istifadə olunur. Amerika Fizika Cəmiyyətinin araşdırmalarına görə bir ton karbon qazının qiyməti 600 min dollara bərabərdir. "Climeworks" şirkəti qiymətləri endirməyə və DAC-ı daha rentabelli etməyə ümid edir.

Zavodun bir sutkada bir tondan iki tona qədər qaz toplaması gözlənilir. İnsanlar hər il atmosferə 40 milyard ton dəm qazı buraxırlar. Layihə İsveçrə Federal İdarəsi tərəfindən dəstəklənir.

İlhamə
Ölkə.Az