İrsi informasiya daşıyan süni gen yaradılır

Alimlər tezliklə süni insan yaradılacağından ehtiyatlanırlar

Ölkə.Az xəbər verir ki, Harvard və Nyu-York Universitetlərinin alimləri insanın bütün irsi informasiyasını özündə daşıyan süni genom yaradıblar.

Araşdırmalarda 25 nəfər iştirak edir. Canlıların, bitkilərin əsas işçi genomunun, eləcə də DNK-da dəyişikliklər aparılması metodikası üzərində iş aparılır.

"Layihənin məqsədi kimyəvi komponentlərdən ibarət bütöv genləri sintez etmək və onları sağlam işlək hüceyrələrin içinə yerləşdirməkdən ibarətdir",- deyə alimlər bildiriblər.

Bu genetik mutasiyaların hansı dəyişiklərə səbəb olacağını əvvəldən müəyyənləşdirməyə və orqanizmin viruslara dayanıqlılığını artırmağa kömək edəcək. Yeni elmi kəşf həmçinin köçürülmə məqsədi ilə hüceyrə yetişdirilməsində növbəti addım olacaq. Lakin elmi cəmiyyətlər bu tədqiqatların nəhayətdə süni insan yetişdirilməsinə qədər gedib çıxa biləcəyindən ehtiyatlanırlar.

İlhamə
Ölkə.Az