İndi qarpız yemək təhlükəlidirmi?

Hələ mövsümü olmasa da indi əksər bazarlarda piştaxtalarda qarpız görmək mümkündür. Bu tərəvəzdən zəhərlənmə hallarının çox olmasını nəzərə alan bir çox insan isə qarpız almağa tərəddüd edir. Bu qarpızlar hansı üsulla yetişdirilib və doğurdanda ehtiyyat etməyə lüzum varmı? Əməkdaşlarımız bu suallara mütəxəssislə birlikdə elə bazarlarda cavab axtarıb.

Ölkə.Az xezerxeber.com-a istinadən bildirir ki, hələ mövsümü olmasada bazarlardakı əksər piştaxtaları qarpız bəzəyir. Satıcılar, qiyməti 2-3 manat arasında dəyişən bu məhsula təlabat olduğunu bildirir. Respblika Toksikologiya və keyfiyyətə nəzarət mərkəzinin direktor əvəzi Rəşad Vəhabzadə bildirir ki, hazırda bazarlardakı qarpızlar İran və Türkiyənin isti bölgələrindən gətirilir və tamamı ilə təhlükəsizdir.

Rəsmilər tərəfindən qarpızın təhlükəsiz olduğu bildirilsədə hələdə bir çox şəxs bununla razılaşmır. Rəşad Vəhabazadənin sözlərinə görə bu məhsulu alarkən diqqət etmək lazımdır ki, onun hər hansı hissəsi əzik olmasın və qarpızı kəsdikdən sonra onun uzun müddət saxlanılması məsləhət görülmür. Bundan başqa kəsilib saxlanılan qarpızı yeməzdən əvvəl onun solmuş üst təbəqəsinin bıçaqla kəsib götürmək lazımdır.