Qara dəliklərdən paralel dünyalara yol olması ehtimalı gerçəkləşir?

Stiven Hokinq qara dəliklərdən paralel dünyalara yol olması ehtimalını irəli sürüb

Ölkə.Az "The Independent" qəzetinə istinadən xəbər verir ki, Astrofiziki Stiven Hokinq digər alimlərlə birlikdə belə bir ehtimal irəli sürür ki, qara dəliyə düşən materiyalar izsiz yox olmurlar, bu materiyalar başqa yerlərdə, məsələn paralel aləmlərdə meydana çıxmış ola bilərlər.

Bu nəzəriyyə elmi paradoksları həll etməyə imkan verir. Çünki fiziki cisim yox olsa onun haqqında informasiya qalmalıdır. Stiven Hokinq, Harvard Universitetinin əməkdaşı Endryu Strominqer və Kembric Universitetinin mütəxəssisi Malkolm Perrinin ortaq nəzəriyyəsinə görə qara dəlik tərəfindən udulan materiya və informasiya enerjisi sıfıra yaxın olan fotonlar şəklində geriyə sıçraya bilər. Bu halda fotonlar informasiya daşıyıcısı rolunu oynayırlar.

Hokinq özü istisna etmir ki, əgər cisim qara dəlikdən çıxa və onun üfüqlərini aşa bilsə paralel aləmə düşə bilər.

İlhamə
Ölkə.Az