Bill Qeyts Afrikada toyuq fermaları açacaq

"Microsoft"un yaradıcısı Bill Qeyts tropik Afrikada insanları aclıq və kasıblıqdan qurtarmaq üçün toyuq yetişdirməyin yaxşı fikir olduğunu bildirib.

O, regiona 100 min toyuq göndərməyi vəd edib.

Bu barədə Ölkə.Az "BBC"yə istinadən məlumat verir. Onun sözlərinə görə toyuq yetişdirmək və satmaq bu ölkədə yoxsulluqla mübarizə aparmaq üçün ən sürətli və səmərəli yoldur. Həmçinin toyuq yumurtasının uşaqlar üçün çox faydalı olacağını vurğulayan milyarder deyib: "Bu ideya sizə məzəli görünə bilər, lakin bu ideya mənim xoşuma gəlir. Cəmi beş toyuğu olan fermer 3 ay sonra onların sayını 40-a çatdıra bilər, illik gəlir isə 1000 dollar təşkil edə bilər. İllik gəliri 700 dollar təşkil edən bir ölkə üçün bu heç də pis rəqəm sayılmaz", deyə o vurğulayıb.

Bir il əvvəl Qeyt Asiya və Afrika ölkələrində Ebola virusuna qarşı mübarizə aparmaq və uşaq ölümlərinin sayının azaldılması məqsədi ilə tibb müəssisələri yaratmaq planlarının olduğunu bildirmişdi.

İlhamə
Ölkə.Az