Yayda qida zəhərlənmələri niyə artır?

Bazarlarda piştaxtaları mövsümü meyvə-tərəvəzlər bəzəyir. Amma ağız sulandıran bu məhsullardan istifadə bəzi hallarda zəhərlənmələrə səbəb olur.

Ölkə.Az xezerxeber.com-a istinadən bildirir ki, bu ilin ilk 5 ayı ərzində ölkədə ümumilikdə 225 qida zəhərlənməsi baş verib.

Havalar isindikcə qida zəhərlənmələrinin sayıda artır. Bunu hətta statistik rəqəmlərdə sübut edir. Bu ilin ilk 5 ayı ərzində ölkədə ümumilikdə 225 qida zəhərlənməsi baş verib. Maraqlısı buduki, zəhərlənmələr daha çox mövsümü meyvə tərəvəzlərdən olur.

Belə ki keçən ay ən çox zəhərlənmə çiyələkdən baş verib. İndi isə ən təhlükəli məhsul bazarlara təzə çıxarılmış qarpızlar hesab olunur. Kilosu bazarlarda 40-60 qəpik arasında dəyişən qarpızlardan alarkən bir necə nüansa fikir vermək lazımdır.

Ekspertlər isə hər hansı bir zəhərlənmənın baş verməməsi üçün bəzi məqamlara diqqət etməyin vacib olduğunu bildirirlər. Çəkisi artıq qarpızları almaq olmaz, çünki yerli sort deyillər və tərkibləridə normadan artıq gübrə var. Tərkibində çox azot olan belə məhsullar isə zəhərlənmə və bir sıra digər xəstəliklərin yaranmasına gətirib çıxarır.