Hindistanlı biznesmen 472 qızından bayram təbriki alıb

Hindistanın Əhmədabad şəhərində yaşayan biznesmen Maheş Savani "Atalar Günü" münasibəti ilə 472 qızından bayram təbriki alıb

Ölkə.Az İtarTass agentliyinə istinadən xəbər verir ki, bu xanımların hamısı Maheşin himayəsi altında böyüyüblər. Maheş 10 il əvvəl onların hamısına qayğı göstərmək qərarına gəlib və sözünün üstündə durub.

10 il əvvəl binesmenin doğma qardaşı qəfildən ölüb və o, qardaşının iki övladını himayəsinə götürməli olub. Bundan sonra o, sahibsiz qalmış azyaşlı qızlara atalıq etmək qərarına gəlib və 472 qızın mənəvi atası olub. Mesenat onları maddi cəhətdən təmin etməklə qalmayıb, toy edib və ailə həyatlarına nəzarəti də diqqətdən qaçırmayıb.

Adi kəndli ailəsindən çıxan Maheş Savani hazırda daşınmaz əmlak və brilliant alveri ilə məşğuldur. O, bu günə qədər 216 toy mərasimi təşkil edib. Hər mərasimin təşkilinə ən az 6 min dollar vəsait sərf edib.

İlhamə
Ölkə.Az