Hitlerin kəllə sümüyü 21 min avroya, alt paltarı ilə papağı 3 min avroya

Dünyaya qan uddurmuş bir simanın paltarları andıra qalmadı, illər sonra xəzinəyə çevrildi

Ölkə.Az Türkiyə KİV-lərinə istinadən xəbər verir ki, Almaniyanın Münhen şəhərində keçirilən bir hərracda Adolf Hitlerin paltarları çox baha qiymətə satılıb.

Faşist liderin corabları, çəkmələri, alt paltarları, şalvarları, özü ilə gəzdirdiyi zəhər qutusu, papağı, hətta 1929-cu ildə vergilər idarəsinə iti üçün ödədiyi qəbz belə hərraca çıxarılıb. 5 saat davam edən hərraca internet, telefon bağlantısı və canlı olaraq qoşulan alıcılar ümumilikdə Hitlerin mirasına 900 min avro ödəyiblər.

Fürerin şalvarı 62 min avroya, müntəzəm olaraq geydiyi uniforması 275 min avroya, başının rentgen şəkli 21 min avroya, alt paltarı 3 min avroya, zəhər qutusu 26 min avroya, qol saatı 42 min avroya, köpək vergisi qəbzi 2 min avroya, məşhur papağı 3 min avroya alıcı tapıb.

Əşyaların çoxusu adının gizli qalmasını istəyən bir nəfər tərəfindən 600 min avro ödənilərək alınıb.

İlhamə
Ölkə.Az