Teleportasiya artıq fantastika deyil
2035-ci ilə qədər tətbiq ediləcək
Rusiya hökuməti bu gün baş nazirin müavini Arkadi Dvorkoviçin iştirakı ilə "Milli Texnoloji təşəbbüs" proqramının həyata keçirilməsi ilə bağlı müzakirə keçirir.
Strateji Təşəbbüslər Agentliyinin planına əsasən, 2035-ci ilə qədər Rusiya özünəməxsus proqramlaşdırma dili yaradacaq ki, bu da kvant texnologiyasına əsaslanacaq. Həmçinin Rusiya pilotsuz uçan aparatlar və teleportasiya sistemləri üçün kvant infrastrukturunun yaradılmasına 10 milyard rubl ayırmağı planlaşdırır.
"Almaz Capital Partners" fondunun təsisçisi Aleksandr Qalitsi bildirir ki, kvant hesablamaları və neyrointerfeyslər artıq heç də uzaq gələcəyin texnologiyası hesab edilmir.
"Teleportasiya məsələsinə gəlincə, bu bəlkə də çoxlarına fantastik görünür. Lakin Stehfordda bəzi molekulların yaxın məsafəyə teleportasiyası artıq həyata keçirilib. Bu ilin mart ayında alimlər materiyanın özəllikləri haqqında informasiyanı kvant deyil adi səviyyədə teleportasiya edə biliblər",- deyə Qalitsi bildirir.
Çin alimləri isə bu ilin iyun ayında dünyada ilk dəfə olaraq 1200 kilometr məsafəyə kvant teleportasiyasını reallaşdırmaq üçün sınaqlar keçirməyi planlaşdırıblar.
İlhamə
Ölkə.Az
