Pomidorun içindən nə çıxdı?
Samsunda yaşayan iş adamı İhsan Akdemir yemək üçün aldığı pomidoru doğrayanda heyrətə düşüb.
Ölkə.Az Türkiyə KİV-lərinə istinadən xəbər verir ki, pomidor öz içərisində cücərib şitil verməyə başlayıb. İhsan Akdemir bunu bitkinin genetikasının dəyişdirilməsi ilə əlaqələndirsə də, 19 May Universitetinin Kənd Təsəssüfatı fakultəsinin əməkdaşı, professor Əhmət Balkaya bunun qorxunc bir şey olmadığını söyləyib.
"Bu, bitkilərdə az rastlanan fizioloji haldır. Nəmli, yağışlı və stresli bir mühitdə böyüyən pomidorlar erkən çiçəklənmə və toxum vermə prosesinə başlayır. Və bu zaman çiçək açmadan meyvənin öz içərisində cücərmə prosesi başlayır. Biz buna erkən doğum prosesi adı vermişik",- deyə professor qeyd edib.
