Bu şəhərdən köçənlərə pul təklif edilir
Yeni Zelandiyanın Oklend şəhərində yaşamaq üçün ev qalmayıb.
Ölkə.Az fins.az-a istinadən bildirir ki, hökumət çıxış yolunu şəhər sakinlərinə şəhəri tərk etmələri üçün pul verməkdə tapıb.
Hökumətin Oklendi tərk etmələri üçün vətəndaşlara verməyi planlaşdırdığı kompensasiya 5000 Yeni Zelandiya dollarıdır (3500 ABŞ dolları)
Hökumətdən verilən açıqlamaya görə, artıq 130 nəfər bu təkliflə maraqlanır.
Yeni Zelandiya hökumətinin rəsmisi Paula Bennett rəsmi internet saytında: "Daha ucuz yerlərə köçmək istəyənlər bu kompensasiya sayəsində xərclərdən qorxmayacaqlar", - deyib.
Oklenddə ev qıtlığı səbəbindən insanların avtomobillərində, qarajlar və hətta çadırlarda yaşamağa başladığı bildirilir.
