Sanitar darıxdığı üçün 33 xəstəni öldürdü

Ölkə.Az Rusiya KİV-lərinə istinadən məlumat verir ki, hələ 2015-ci ildə işlədiyi klinikada 2 xəstənin ölümünə səbəb olduğuna görə həbs edilən almaniyalı kişi sanitarın cinayət işinə yeni maddələr əlavə olunub.

Əslində müttəhim iki deyil, 33 nəfəri qətlə yetirdiyini etiraf edib. O, bildirib ki, işlədiyi xəstəxanada pasiyentləri darıxdığı üçün öldürürmüş.

Məhkəmə materiallarından məlum olub ki, qatil sanitar eyni zamanda bir-birinə qonşu olan iki şəhərdə fəaliyyət göstərib. O deyib ki, xəstələrə dozadan artıq dərman məhlulları yeridirmiş. Daha sonra onları yenidən həyata qaytarmaq üçün çalışıb, beləliklə də xəstəxana kollektivi arasında yaxşı reputasiya qazanırmış.

Qatil 100-dən çox xəstəyə dozadan artıq dərman preparatı yeritdiyini, onların 33-nü öldürdüyünü etiraf edib.

Hazırda bu cinayət işi ilə bağlı istintaq davam edir. Qatilin işlədiyi xəstəxanalarda həyatını itirmiş bütün xəstələrin meyidlərinin eksqumasiya edilməsi barədə qərar verilib.

İlhamə
Ölkə.Az