Hamilə qadınların əlavə multivitaminlərə ehtiyacı yoxdur

Ölkə.Az xəbər verir ki, Britaniya alimlərinin apardıqları tədqiqatlar nəticəsində hamilə qadınların əlavə multivitamin almasına ehtiyac olmadığı aşkarlanıb.

Hamiləlik vaxtı multivitaminləri qəbul etmək “pulu boşuna xərcləməkdir” və gözlənilən nəticəni vermir- alimlər belə söyləyir. Araşdırmaya əsasən, xüsusilə də hamiləliyin ilk 3 ayında qadınlara lazım olan ən vacib vitaminləri- B9 (fol turşusu) və D vitaminini meyvə tərəvəzlərdən və günəş şüalarından almaq mümkündür.

"Biz hamilə qadınları və hamilə olmaq istəyənləri sağlam, tərkibində çeşidli meyvə və tərəvəz olan pəhriz seçməyə və fol turşusunu qəbul etməyə həvəsləndirmək istərdik”,-deyə Kral Mamaçılıq Kollecindən Janet Fayle deyib.

Janet Faylenin szölərinə görə, "iki nəfərin əvəzinə" yemək məsləhəti əsassızdır. Hamilə qadının bədəni özü-öz ritmini tarazlaşdırır.

İlhamə
Ölkə.Az