Ən uzun ad məsələsində türklər ərəbləri geridə qoydu

Ölkə.Az Türkiyə mətbuatına istinadən xəbər verir ki, Türkiyənin Dənizli bölgəsində yaşayan ata və qızın adları ölkənin ən uzun adı kimi rekord qazanb.

38 yaşlı atanın adı Haşim Əhməd Abdulbaki Buğra Bahadır Nebioğulları, onun 10 yaşlı qızının adı isə Aybikə Gliz Yağmur Eflin Nisa Nebioğullarıdır.

Haşim Əhməd Abdulbaki Buğra Bahadır Nebioğulları öz adı ilə bağlı zarafat etməyi sevir:

"Mənim adım bir zamanlar məmləkət məsələsi olub. Atamın beş dostu hərəsi mənə bir ad qoymağı təklif edincə, o da heç bir dostunun könlünü qırmayıb və bütün adları mənə verib".

O, qızına da eyni taleyi yaşadıb. Çox böyük nəslin nümayəndəsi olduğu üçün hər kəs Haşimin qızına bir ad verməyə çalışıb. O, qızına 36 ad qoymaq istəsə də buna icazə verilməyib və 6 addan ibarət Aybikə Gliz Yağmur Eflin Nisa adı ilə kifayətlənməli olub.

İlhamə
Ölkə.Az