Təbiət Atatürkün rəsmini dağlara çəkdi

Ölkə.Az TRT kanalına istinadən xəbər verir ki, Türkiyənin Ardahan vilayətinin Damal rayonunda hər il möcüzə baş verir.

Belə ki, Damal ərazisində yerləşən Qara dağa hər il iyun ayının sonundan iyul ayının sonlarına qədər Atatürkün silueti şəklində kölgə düşür. Uzun müddət yağan yağışlardan sonra hava açılınca böyük türk liderin rəsmi yenidən açıq-aşkar görünməyə başlayıb. Təsvir saat 17:50-18:10 radələrində görünür. Bu münasibətlə Ardahanda hər il "Atatürkün İzində və kölgəsində Damal Şənlikləri" tərtib edilir.

Damal möcüzəsi ilk dəfə dağda qoyun otaran bir çoban tərəfindən aşkarlanıb. 1954-cü ildə Yuxarı Gündeş kəndində çobanlıq edən Adıgözəl Kırmızıgül gördüklərini kəndlilərə danışıb. 1975-ci ildə Ərdoğan Kumru adlı vətəndaş Atatürk siluetinin fotosunu Müdafiə Nazirliyinə göndərib və bundan sonra Damal dağları məşhurlaşıb.

İlhamə
Ölkə.Az