Norveçdə 190 nəfər əməliyyat olunmadan cinsini dəyişdi

Ölkə.Az xəbər verir ki, iyulun 1-dən Norveçdə yalnız sənədlər üzərində cinsin dəyişdirilməsinə icazə verən qanun qüvvəyə minib.

Qanun qüvvəyə mindikdən dərhal sonra 190 nəfər cinsini dəyişmək üşün ərizə təqdim edib. Məsələnin mahiyyəti bundan ibarətdir ki, bu günə qədər yalnız cərrahi əməliyyatla cins dəyişdirildikdən və psixiatr rəyi verildikdən sonra vətəndaşın cinsinin dəyişməsi barədə sənəd təqdim olunurdu.

Bu qanuna əsasən, özünü əks cinsin nümayəndəsi kimi hiss edən hər bir kəs müvafiq şəxsiyyət vəsiqsi ala biləcək. Avropa ölkələrinin əksəriyyətində cinsin dəyişdirilməsinə dair sənəd almaq üçün psixiatr rəyi tələb olunur, həmin şəxs evlidirsə mütləq şəkildə boşanmalıdır Həmçinin, Fransa, Belçika, İtaliya daxil olmaqla 24 Avropa ölkəsində cinsin dəyişdirilməsiə dair sənədin təqdim olunması üçün mütləq şəkildə cinsiyyət orqanı əməliyyatla dəyişdirilmiş olmalıdır.

İlhamə
Ölkə.Az