Antarktika buzlarında təhlükəli toksinlər tapılıb

Ölkə.Az Rusiya KİV-lərinə istinadən xəbər verir ki, Antarktika buzlaqlarında insan orqanizmi üçün çox qorxulu olan toksinlər aşkarlanıb. Avstarliyanın Melbrun Universitetinin alimləri apardıqları tədqiqatlar nəticəsində belə rəyə gəliblər.

Onlar buzun tərkibində neyrotoksin-metil civə və təhlükəli bakteriyalar aşkarlayıblar. Civə əsas təhlükə mənbəyi hesab olunur. Çünki o, balıqların orqanizmində toplanaraq oradan da qida vasitəsi kimi insanlara ötürülə bilər.

Təbiətdə civəyə vulkan partlamaları, meşə yanğınları eləcə də sənaye tullantıları nəticəsində rast gəlinir. Civə buxarlanmaq xüsusiyyətinə malik olduğu üçün çox böyük miqyasda genişlənə və yayıla bilir. Alimlər civənin metillə birləşərək çox təhlükəli birləşmə əmələ gətirməsindən narahatdırlar.

Metilcivə sinir-əsəb xəstəliklərinin inkişafını sürətləndirir, xüsusən azyaşlı uşaqlarda beynin inkişafını ləngidir.

İlhamə
Ölkə.Az