900 milyon Android telefonunda xətalı proqram mövcuddur

Ölkə.Az BBC-yə istinadən xəbər verir ki, "Qualcomm" şirkətinin istehsal etdikləri məlumat daşıyıcılarındakı (çip) proqramda xətalar olduğu aşkarlanıb.

Belə ki, android cihazlarında istifadə edilən proqramda tapılmış ciddi təhlükəsizlik xətası hakerlərin telefondakı məlumatlara çıxışını asanlaşdırır.

ABŞ istehsalı olan "Qualcomm" mühərrikləri 900 milyon android telefonunda mövcuddur.

Hazırda bu yolla məlumatlara hücum edərək kibercinayətlər törədilməsə də, bu yaxın 3-4 ay ərzində baş verə bilər.

BlackBerry Priv və Dtek50, Blackphone 1 və Blackphone 2, Google Nexus 5X, Nexus 6 və Nexus 6P, HTC One, HTC M9 və HTC 10, LG G4, LG G5, və LG V10,
New Moto X Motorola, OnePlus One, OnePlus 2 və OnePlus 3, Samsung Galaxy S7 və Samsung S7 Edge-in ABŞ variantları, Sony Xperia Z Ultra cihazlarında belə xətalar aşkarlanıb.

Mütəxəssislər bu cihazlara sahib olan şəxslərə lazımi proqramları yalnız Google Play bazarından yükləməyi tövsiyə edir.

İlhamə
Ölkə.Az