Tənbəllərə xoş xəbər

Ölkə.Az Rusiya mətbuatına istinadən xəbər verir ki, Florida Universitetinin alimlərinin apardıqları tədqiqatlar nəticəsində məlum olub ki, tənbəllik yüksək IQ səviyyəsindən xəbər verir.

Tədiqatçıların apardıqları araşdırmalar belə rəy söyləməyə əsas verir ki, çox düşünməyə meyilli olmayan insanlar tez darıxırlar, buna görə, onlar boş vaxtlarını fiziki aktivliklə keçirmək arzusu hiss edirlər. Fiziki aktiv insanlar öz enerjilərini çox sərf etdiklərinə görə dərin düşüncələrə gücləri qalmır.

Eyni iddianın əksini də tənbəl insanlar haqqında söyləmək olar. Onlar düşünməklə enerji sərf edirlər, fiziki aktivliyə halları qalmır.

Lakin alimlər xəbərdarlıq edirlər ki, yüksək IQ heç də az hərkətli həyat tərzi seçməyə əsas vermir. Özünüzü ağıllı göstərmək üçün tənbəl rolu oynamayın. Bunun sağlığa nə dərəcədə zərərli olduğunu əqli səviyyəsi yüksək olmayanlar da yaxşı bilir.

İlhamə
Ölkə.Az