Tanıdığımız və tanımadığımız Yaponiya

Yaponiya, bu uzaq şərq ölkəsi hər zaman öz qədim adət-ənənələrinə sadiqliyi, Avropa üçün qəribə görünən sirli duruşu ilə maraq dairəsində olub. Bu gün sizə Yaponiya barəsində bilmədiyiniz xırda, lakin maraqlı nüansları təqdim edəcəyik.

• Yaponiyada qəpik pullar keçmişdə olduğu kimi ortası deşik şəkildə buraxılır. Qədimdə yaponlar metal sikkələrini ortası deşik halda istehsal edər, onları təsbeh kimi ipə düzüb ciblərində gəzdirərdilər. Bu ənənə indi də qalmaqdadır.
  
  
• Yaponiya küçələrində gəzərkən gənc qızların hamısının ayı kimi əyri ayaq olduğunu görəcəksiz. Bu fiziki çatışmazlıq deyil. Yaponlar bunu zəriflik, bakirəlik kimi dəyərləndirirlər. Təbii ki, gözəl və zərif görünmək istəyən qızlar ayaq pəncələrini bir-birinə doğru əyərək yeriməyə cəhd göstərirlər.
  
  
• Yaponiyada beş ulduzlu otellərdə yatmaq üçün çarpayı aramaq boşuna zaman itirməkdir. Otel otaqları sadə və minimalist qaydada bəzədilir. Oturmaq üçün masa və stulları döşəkçələr və yerdən 20-30 sm hündürlüyü olan masalar əvəz edir. Yataq isə bir küncdə qoyulmuş döşək və yorğanlardan ibarətdir. Gecənin müəyyən saatında otelin işçiləri otağa daxil olub yatağı hazırlayırlar. Bu qədər.
  
  
• Üç ulduzlu otellərdə isə bəzən adətən yataq əvəzinə tatami təklif edilir. Yaponlar çox vaxt yatmaq üçün 3-4 santimetr qalınlığında sərt həsirə bənzəyən tatamilərdən istifadə edirlər. Bir də Yaponiyada dünyanın başqa ölkəsinədə rast gəlməyəcəyiniz kapsul otellər görə bilərsiz. Bu otellərdə insanlar bir otaqda üst-üstə yığılmış çoxmərtəbəli kapsulların içərisində yatırlar. Hər halda gecəni keçirmək üçün tatamidən daha rahatdır.
  
  
• Yaponiyada emosiyalarını kəskin şəkildə üzə vurmaq mədəniyyətsizlik hesab edilir. İşə gecikmək, işini yarıtmamaq bu ölkədə şərəfsizlik və biabırçılıq kimi qiymətləndirilir. Bu səbəbdən işdən azad edilən bir çox yaponun harakiri- intihar etdiyi məlumdur.
  
  
• Dünyanın ən biabırçı hesab ediləcək şou proqramları Yaponiyadadır desək yanılmarıq. Belə ki, bu ölkədə öz bədənini bütün çılpaqlığı ilə nümayiş etdirmək heç də ayıb sayılmır.

İlhamə
Ölkə.Az