Vikipediyaya heykəl qoyulacaq
İnternet-ensiklopediyaya Polşada heykəl qoyulacaq
Ölkə.Az The Telegraph agentliyinə istinad edərək xəbər verir ki, məşhur "Vikipediya" internet-ensiklopediyasına heykəl Polşanın Slubitse şəhərində ucaldılacaq. Bu şəhər Almaniya ilə sərhəddə yerləşir.
Bu təşəbbüs "Kolleqium polonikum" adlı elmi-didaktik meydançanın direktoru Kşiştof Voytsexovski tərəfindən irəli sürülüb.
O hesab edir ki, onlayn ensiklopediya gündəlik olaraq insanlara xeyli fayda verir. Bundan əlavə, Polşada Vikipediya çox populyardır. Belə ki, ensiklopediyada bir milyondan artıq polyak dilində məqalə var.
Bu layihə üçün bələdiyyə tərəfindən 14 min dollar vəsait ayrılıb və Slubitse şəhərinə turistlərin cəlb ediləcəyi gözlənilir.
Rəşid Mustafazadə
Ölkə.Az
