Bu insanlar bizim dövrümüzdə yaşayır

Papua Yeni Qvineyada Voqi kəndində yaşayan bu qəbilə hələ də sivil dünyanın qayda-qanunlarına uymaq istəmir.

Onlar min illər öncə necə yaşamışdılarsa elə də davam edirlər.

Bu qəbilədə ölən ata-babalarını sirli bir üsulla tüstüyə verərək qurudub mumiyalayır və evlərində saxlayırlar. Bu, onlara olan sevgi və hörmətin təzahürüdür. Bu qəbilədə pul vahidi olaraq balıqqulağından istifadə olunur. Balıqqulağı verib qız alırlar, cəvahirat kimi hədiyyə edirlər.

Daha bir maraqlı ənənəsi var Voqi qəbiləsinin. Qəbilə başçısı öləndə onun nəslindən olan bütün qadınların bir barmağı dibindən kəsilir.

Voqi qəbiləsində ildə bir dəfə ərli qadınlara istədiyi kişini seçib onunla bir gecə keçirmək haqqı verilir.

Voqi qəbiləsi müasir aləmlə tanışdır. Onları çoxlu sayda turistlər ziyarət edir. Bununla belə onlar öz bildikləri kimi yaşamağa üstünlük verirlər.

Bəlkə də ən doğrusu budur. Müasir insandan öyrənəcək nə var? Müharibələr, qanlı toqquşmalar və bəşəriyyətə qarşı yönəlmiş silahlar. Əslində kim daha çox vəhşidir?

İlhamə
Ölkə.Az