Polis plastik kuklanı uşaq bilib diriltməyə çalışdı
Ölkə.Az Türkiyə mediasına istinadən xəbər verir ki, Amerikada maraqlı hadisə baş verib. İsti avqust günlərində bir qadın polisə zəng vuraraq yaxınlıqdakı avtomobildə körpə uşağın unudulduğunu söyləyib.Təcili olaraq hadisə yerinə köməyə gələn polis məmuru Ceyson Şort maşının pəncərəsini qırıb və odeyala bükülmüş körpəni çıxarıb.
"Uşağı qucağıma alanda artıq öldüyünü düşündüm. Tərpənmirdi. Təcili yardıma zəng edib ürək masajı etməyə başladım. Lakin o ayılmırdı. Süni nəfəs vermək üçün ağzını açmağa çalışanda uşağın əslində plastik kukla olduğunu anladım"-deyə polis məmuru bildirib.
Az sonra hadisə yerinə gələn avtomobilin sahibi Karolina Seifferin uşağı öldükdən sonra plastik kuklalara meyl saldığı ortaya çıxıb. O, evində 40 dənə belə kuklasının olduğunu bildirib.
Bir ədədi 30 dollara satılan bu kuklaları ilk baxışda həqiqi uşaqdan ayırd etmək çox çətindir.
İlhamə
Ölkə.Az
