General-mayor rütbəsi alan pinqvin Kral Mühafizə Dəstəsini təftiş etdi
Edinburq zooparkında yaşayan Nils Olav adlı pinqvin Norveç Kral Mühafizə dəstəsini təftiş edib.
Ölkə.Az Türkiyə KİV-lərinə istinadən xəbər verir ki, Olav 2005-ci ildə Norveç ordusundan polkovnik rütbəsi alıb və Kral Mühafizə Dəstəsinin fəxri komandiri titulunu qazanıb.
Əslində pinqvinlə bağlı hekayənin 40 illik tarixi var. 1972-ci ildən davam edən bu ənənə Kral Mühafizə dəstəsinin pinqvini özlərinin simvolu elan etməsi ilə başlayıb.
O zaman Mühafizə Dəstəsinin komandiri leytenant Nils Olav zooparkdakı bir pinqvini çox sevib və bu gün pinqvinlər məhz buna görə onun adını daşıyırlar. Pinqvin Olav 1980-ci ildə Kral Mühafizə dəstəsinin fəxri üzvü olub.
Bu gün təftiş keçirən pinqvin isə artıq üçüncü nəsil pinqvindir.
İlhamə
Ölkə.Az
