Dünyanın ən gombul uşağı

İndoneziyada yaşayan dünyanın ən toppuş uşağı artıq çəki ilə mübarizəyə başlayıb.

Ölkə.Az Türkiyə mediasına istinadən xəbər verir ki, 10 yaşında 192 kilo olan Arya Perma kilolarıyla yaşıdları arasında dünya rekordu qırıb.

O, iki yaşından sonra sürətlə piylənməyə başlayıb. Gündə 5 dəfə plov və ət yeməkləri yeyən Aryaya nə yemək çatdırmaq olurdu, nə də yaşına uyğun paltar tapmaq. O, artıq kilolar üzündən yeriyə bilmir, nəfəs almaqda çətinlik çəkirdi.

Nəhayət ki, valideynlər uşağın müalicəsi üçün həkimlərdən yardım almağa qərar veriblər. Müalicələr öz nəticəsini göstərib. İndi Arya yaşıdları kimi məktəbə gedə bilir, yüngül idman hərəkətləri edir.

İlhamə
Ölkə.Az