"Windows 10"-u nə qədər istifadəçi yükləyib?
Microsoftun Sentyabrın 30-da istifadəyə verdiyi "Windows 10"-un sınaq versiyası 1 milyon adam tərəfindən istifadə olunur.
Ölkə.Az-ın verdiyi məlumata görə, 2 həftədir ki istifadəyə verilən "Windows 10"-un sınaq versiyası bu ana qədər 1 milyon istifadəçi tərəfindən yüklənib.
Microsoft işçilərindən Co Belfiorın mövzuyla əlaqədar yaydığı bloq yazısında "Windows 10 Technical Preview " adlı sınaq versiyası 1 milyon istifadəçi tərəfindən yüklənildiyi deyilir.
Hər kəsin sevəcəyi Windows yaratmaq üçün istifadəçilərin fikirlərinə əhəmiyyət verdiklərini söyləyən Belfior şirkətin 1 milyon istifadəçisindən təxminən 200 mininin öz təkliflərini şirkətə ünvanladıqlarını qeyd edib.
Microsoft şirkəti bu pilot mərhələsində olan versiyasını istifadəçilərinin köməyi ilə daha yaxşı və keyfiyyətli platforma halına gətirməyi qarşısına məqsəd qoyub.
Xatırladaq ki, şirkət buna görə "Windows 10"-un sınaq versiyasını istifadəçilərin pulsuz yükləmələsi üçün şərait yaradıb.
Rəşid Mustafazadə
Ölkə.Az
