Həbsdən qaçan qadın axtarış elanındakı şəklini bəyənməyib dəyişməyi tələb etdi

Avstraliyada həbsdən qaçmış Emi Şarp axtarışa verilib.

Bu barədə Ölkə.Az Rusiya KİV-lərinə istinadən xəbər verir.  

Axtarış elanı üzərində yerləşdirilən şəkli Eminin xoşuna gəlməyib və o "7 News Sydney" telekanalının Facebook səhifəsinə müraciət edərək şəklini dəyişirməyi tələb edib.

Eminin axtarış elanını məhz bu telekanal vermişdi.

Telakanalın yaydığı xəbərdə bildirilirdi ki, polis həbsxanadan qaçmış 18 yaşlı Şarpı axtarışa verib. Qızın əlamətləri ilə yanaşı həbsxanada çəkilmiş fotoşəkli də səhifəyə yerləşdirilib.

Emi şəkli görüb və Facebook vasitəsi ilə özünün daha uğurlu bir şəklini yerləşdirməyi təklif edib. Qız ən gözəl fotoşəkillərindən birini göndərməyi də unutmayıb. Şarpın bu hərəkəti virus sürəti ilə populyarlıq qazanıb və bir gündə 62 min layk toplayıb.

Bəziləri qıza maliyyə yardımı təklif edib, bəziləri isə bu cəsarətli addımına görə təbrik edib.

İlhamə
Ölkə.Az