Dünyanın ən yaşlı insanı 24 ildir ölümü gözləyir

Ölkə.Az Türkiyə mediasına istinadən xəbər verir ki, dünyanın ən qoca insanı İndoneziyanın Yava adasında yaşayır.

İndoneziya hökumətinin açıqlamasına görə, Mbah Qotho 1870-ci il dekabrın 31-də dünyaya gəlib.

Ondan öncə dünyanın ən qoca sakini 122 yaşlı fransalı Yanna Kalment hesab edilirdi.

Yeni ortaya çıxan məlumatlara əsasən indoneziyalı qoca ondan 26 yaş böyükdür.

Mbah Qotho bütün bacı və qardaşlarını, övladlarını itirib. O, 4 dəfə evlənib. Sonuncu həyat yoldaşı 1988-ci ildə ildə öldükdən sonra, qoca nəvəsi ilə yaşayır.

Qotho ölümü çoxdan gözlədiyini, hələ 24 il öncə öz məzarını hazırladığını deyir. "Artıq ölmək istəyirəm"-deyə o bildirib.

İlhamə
Ölkə.Az