Meksika sakini dəfnindən iki ay sonra "dirildi"

Ölkə.Az Vesti.ru-ya istinadən xəbər verir ki, meksikalı Migel Anxel Qomar de Luna kremasiya edildikdən iki ay sonra evinə dönərək qohumlarını şoka salıb.

Hadisə belə olub. Migel Anxel qaldığı qocalar evindən xəbərsiz qaçaraq içməyə gedib. Qoca axtarışa verilib. Elə həmin gün təxminən onun yaşlarında başqa bir nəfərin meyidi tapılıb.

Polis Migel Anxelin yaxınlarından meyidi tanımağı xahiş edib və əgər ona sahib çıxmasalar meyidi verməyəcəyini bildirib. Migel Anxelin qızı tam əmin olmasada "atasının meyidini" tanıyıb və kremasiya etdirib. Bu hadisədən iki ay sonra o, küçələrdə səfil vəziyyətdə tapılıb və ailəsinə geri dönüb.

İndi Migel Anxelin ailəsi "dirilmiş" qocanın sənədlərini yenidən bərpa etdirmək üçün bürokratik əngəlləri aşmaqla məşğuldur.

İlhamə
Ölkə.Az