Toyda gəlini oğurladılar

Ölkə.Az Rusiya KİV-lərinə istinadən xəbər verir ki, Moskva restoranlarından birində keçirilən toy məclisindən gəlin oğurlanıb.

Bu haqda polisə hadisə şahidi məlumat verib. Qaçırılan gəlinin axtarışına 180 polis əməkdaşı cəlb olunub.

Yarım saat davam edən axtarış tədbirlərindən sonra polislər paytaxtın cənubi-şərqində beş gənc oğlan və gəlinin olduğu avtomobili saxlayıblar. Lakin məlum olub ki, gənclər gəlini həqiqətən qaçırmayıblar. Bu, toy şənliyi proqramının bir hissəsi olub.

Evlənənlərin hansı millətin nümayəndələri olması barədə məlumat verilmir.

Polsilər gəlini tapmaq üçün yarım saat içərisində 24 avtomobildə yoxlama aparıblar.

Hazırda faktla bağlı araşdırma aparılır.

İlhamə
Ölkə.Az