"Whatsapp"-a qadağa qoyulur? - NİYƏ?

Hər gün populyarlığını bir az da artıran "Whatsapp" və "Facebook Messencer" kimi internet əsaslı mesajlaşma tətbiqetmələriləri mobil operatorların qısa mesaj (SMS) xidmətinin qənimi olub

Ölkə.Az xəbər verir ki, dünya üzrə göndərilən SMS sayı, bu ilin ilk yarısında ötən ilin eyni dövrünə görə təqribən 20-25% azalıb.

Smartfonların həyatımıza daxil olması ilə birlikdə SMS-lər, gündəlik həyatda öz yerini "Facebook" sosial şəbəkəsində paylaşılan bir statusa, elektronik məktuba, "tweet" ya da "Whatsapp" mesajına verib.

Mütəxəssislərin fikrinə görə bir dövrün ən çox istifadə edilən ünsiyyət üsullarından olan "SMS" xidməti bütün dünya üzrə bu ilin əvvəlindən etibarən ciddi nisbətdə azalıb.

2008-ci ildən 2013-cü ilə qədər təxminən 128%-lik artım görülən SMS sayının bu ilin əvvəlindən etibarən isə azalmağa başlaması mobil operatorlar üçün ciddi maliyyə itkisi hesab olunur.

Belə ki, dünyadakı öndə gələn mobil operatorlar gələcəkdə artıq öz internet xidmətlərində mesajlaşma tipli tətbiqetmələrə əngəl qoymağı planlayırlar.

Çinarə Vahabzadə
Ölkə.Az