Planetlər arasında müharibə başladı?

"SpaceX" şirkətinə məxsus olan "Falcon 9" raketinin partlamasının əsl səbəbi yadplanetlilərin hava hücumu nəticəsində baş verib.

Ölkə.Az xəbər verir ki, partlayışdan sonra bu iddianı mütəxəssislər ortaya atıb.

ABŞ-da "SpaceX" şirkətinə məxsus olan "Falcon 9" raketinin keçən həftəki partlayış anının videosu yayılıb. Şirkətin icraçı direktoru Elon Muskun ilkin açıqlamasına görə partlayış ilk olaraq oksigen tankında baş verib, lakin partlayışa tam olaraq nəyin səbəb olduğu hələlik bilinmir.

Bəzi mütəxəssislər isə sensasion iddia ortaya atıblar. Belə ki, onların iddiasına görə raketin partlamasına səbəbi yad planetlilərin hava hücumu ola bilər.

"Falcon 9" raketinin partlamasından sonra sirli hadisəyə əslində nəyin səbəb olduğu ilə bağlı mütəxəssislər fikirlər səsləndiməyə başlayıblar. Partlayış görüntülərini yavaşladılmış izlədikdə isə hadisə meydana gələn ərəfədə raketin üstündə uçan qara bir cismin olduğu görülür.

Bəzi mütəxəssislərə görə raketin partlaması mexaniki bir xətadan yox, yadplanetlilərin hücumu nəticəsindəbaş verib.

Qeyd edək ki, "Facebook"un istifadəyə verməyi planlaşdırdığı 200 milyon dollar dəyəri olan və İsrailə aid "Amos-6" peyki də bu partlayış səbəbilə ciddi zərər görüb. "Facebook" şirkətinin qurucusu Mark Çukerberq Afrika qitəsindəki 14-dən çox ölkəni internetlə təmin edəcək olan "Amos-6" peykinin bu partlayışdan sonra artıq istifadəyə yararlı olmadığını təsdiqləyib.