Çinli müəllimdən Çin işgəncəsi kimi imtahan sualı

ABŞ-da yaşayan və işləyən çinli riyaziyyat müəllimi tələbələrini qeyri-adi test sualı ilə imtahan edib.

O, imtahan suallarının içərisinə 4 çinli kişi fotosu əlavə edərək "Artıq rübün yarısı keçib. Mənə belə gəlir ki, sizin hamınız məni az da olsa tanımısınız. Ən azından məşğələlərə kim gəlibsə, məni üzdən tanıyır. Gəlin kiçik viktorina təşkil edək. Bunlardan hansı mənəm? Doğru cavab 1 balla qiymətləndirilir", - yazıb.

Ölkə.Az xəbər verir ki, müəllimin bu qeyri-adi sualı tələbələrdən biri tərəfindən Reddit portalında dərc edildikdən sonra sosial şəbəkələrdə müzakirə mövzusuna çevrilib.

Tələbələdən bir çoxu fotolardakının eyni adam olduğunu deyib, bir çoxları isə bildiriblər ki, çinliləri bir-birindən fərqləndirmək heç də asan deyil.

Əslində müəllim özü də heç vaxt dərslərində iştirak edən tələbələrin qeydiyyatını aparmayıb və ən maraqlısı imtahan günü imtahan zalına gəlməyib.

İlhamə
Ölkə.Az