Vicdanlı və peşəkar oğrudan ev sahibinə əcaib məktub

Türkiyədə yaşayan Hüseyin Yamanın başına gələn hadisə eşidənlərin gülüşünə və heyrətinə səbəb olur.

Ölkə.Az Türkiyə mediasına istinadən xəbər verir ki, Hüseyin Yaman uzun müddətdir özünə məxsus kiçik transfarmatorun içərisindən elektrik məftillərinin oğurlanmasından şikayət edirdi. Transfarmatoru təmir etməkdən yorulan Hüseyin Yaman transfarmatorun içərisinə 50 Tl qoyaraq oğruya bir məktub yazıb: "Bu pulu götür, amma oğurlama. Oğurladığın məftillər 40 lirə edir, al sənə 50 lirə".

Ertəsi gün transfarmatorun içərisində alicənab oğrudan ev sahibinə bir məktub qoyulmuşdu:

"Mən bu işi pul üçün görmürəm, zövq üçün görürəm. Al məndən də sənə 100 lirə. Amma mən yenə oğurlayacam".

İndi Hüseyin Yaman özünə güvənən bu peşəkar oğrunun polislər tərəfindən saxlanılacağı günü səbirsizliklə gözləyir.

İlhamə
Ölkə.Az