Finlandiyalı qız ölkə prezidentinin iqamətgahını almaq istəyir

Finlandiya vətəndaşı 6 yaşlı Laura Honkaniemi Vantaa şəhərinin kraliçası olmağı arzu edir.

Nağıllardan məlumdur ki, kraliça sarayda yaşamalıdır. Buna görə də 6 yaşlı qız ölkə prezidenti Sauli Niinistyoya məktub yazaraq özlərinin 3 otaqlı evlərini prezident iqamətgahına dəyişməyi xahiş edib.

Ölkə.Az Rusiya KİV-lərinə istinadən xəbər verir ki, prezidentin balaca qızın bu qəribə xahişinə cavab məktubu göndərməsi onun ailəsini heyrətləndirib. Prezident Niinistyo belə cavab yazıb: "Çox təəssüf ki, belə bir sövdələşmə bağlamaq və iqamətgahı bağışlamaq səlahiyyətim yoxdur. Prezidentlər Myantyunniemdəki saray və iqamətgahda müvəqqəti yaşayırlar".

İlhamə
Ölkə.Az