“CinemaPlus” 28 Mall kinoteatrında yeni film
“CinemaPlus” 28 Mall kinoteatrında “Korku Komedi: Bana Normal Aktiviteler” türk filmin nümayişi keçirilib
Bakı, 09 sentyabr: Azərbaycanın premium kinoteatrı “CinemaPlus” 28 Mall qorxu və komediya janrında çəkilmiş “Korku Komedi: Bana Normal Aktiviteler” tamaşaçıları türk filmi ilə sevindirib. Filmin rejissoru Özgür Bakar. Baş rolları Ufuk Şen, Süleyman Kabaali və Bengi İdil Uras oynayıb.
Talip və Yaşar iş həyatında uğursuz olan iki qardaşdır. Qardaşlar aldıqları pulları lazımsız işlərdə batırırlar. İşlədiyi film mərkəzindən qovulan Çiğdem iki qardaşa maraqlı bir təkliflə yaxınlaşır. Yaşara özünü rejissor kimi tanıdan və iki qardaşı qorxu filmləri bazarında çoxlu pul olduğuna inandırmağa çalışan Çiğdem, son dəfə qardaşlarından pul alaraq qorxu filmi işinə daxil olmaqlarına nail olur. Lakin çəkiliş aparılan məkanda həqiqətən paranormal hadisələrin baş verməsi, qorxu filmi çəkib varlanmaq xəyalı ilə yaşayan bu ikili üçün dəhşətli və gülməli bir macəraya çevrilir.
Qeyd etmək istəyirik ki, filmə 16 yaşına çatmamış insanların baxması tövsiyyə olunmur.
Daha ətraflı məlumat üçün İOS və Android əməliyyat sistemli smartfonları üçün yeni “CinemaPlus” mobil əlavəsini yükləyin.
