“Google”dan turistlər üçün yeni tətbiq

“Google” səyahətçilər və turistlər üçün nəzərdə tutulan “Google Trips” proqram əlavəsini istifadəyə verib.

Ölkə.Az İKT.lent.az-a istinadən xəbər verir ki, xidmət “Google Maps”ın məlumatları və “Gmail” məktublarındakı informasiyalardan istifadə edərək marşrut tərtib etməyə imkan verir.

İstifadəçi hər istiqamət üzrə gəzməli-görməli yerlərin siyahısı, mehmanxanalar və kafelər haqda informasiyalar əldə edə bilər. Hazırda ən populyar turizm marşrutlarına dair tövsiyələr bölməsində 200-dən çox şəhərin adı var. Marşrutlar turistlərdən alınan məlumatlar əsasında tərtib edilir.