Van Qoqun əsərlərini İtaliya mafiyası oğurlayıb?

Hollandiyalı rəssamın 2002-ci ildə oğurlanan çox qiymətli iki əsəri Neapolda mafiyaya edilən basqın zamanı ələ keçirildi.

Ölkə.Az xəbər verir ki, İtaliya mətbuatındakı xəbərlərə əsasən, məşhur rəssamın Amsterdamda yerləşən və öz adına olan muzeydən 2002-ci il 7 dekabr tarixində oğurlanan iki sənət əsəri İtaliya mafiyasında tapılıb.

Söhbət 1882-ci ildə çəkilmiş "Scheveningen Çimərliyi" və 1884-cü ildə çəkilmiş "Nuenen kilsəsi" əsərlərindən gedir.

İtaliya maliyyə polisi əməkdaşları səhər saatlarında Neapolun Castellammare di Stabia rayonunda narkotik maddə ticarəti ilə məşğul olan "Camorra" qruplaşmasına qarşı təşkil etdiyi basqın nəticəsində mafiyaya bağlı olan bir qrupun evindən Van Qoqun əsərləri tapılıb.

Qrupun qara bazardakı kokain ticarətindən əldə etdiyi pullarla Amsterdamdakı muzeydən oğurlanan sənət əsərlərini əldə etdiyi məlum olub.

Hikmət
Ölkə.Az