Antarktidada piramidaları kim tikib?
Bu yaxınlarda Antarktidada təsadüfən piramidalar tapılıb. Alimlərin fikrinə görə, piramidalar çoxdan məhv olmuş sivilizasiya tərəfindən inşa edilib.
Tədqiqatçı və araşdırmaçı alimlər tərəfindən yeni bir teoriya ortaya atılıb. Bu teoriyaya görə, qədim dövrdə Antarktidanın ərazisi heyvanat aləminin çoxsaylı üzvləri ilə zəngin olan sıx meşəliklərdən ibarət olub. Alimlərin iddiasına görə, piramidalar bu ərazilərdə yaşayan insanlar tərəfindən tikilib.
Antarktidada piramidaların tapılması barədə xəbər bir neçə gün əvvəl mətbuata sızmışdı. Bu tapıntı Beynəlxalq tədqiqat qrupuna məxsusdur. Qrupun tərkibinə Amerika Birləşmiş Ştatları və bəzi Avropa ölkələrindən olan alimlər daxildir. Piramidalar haqqında hələ ki məlumat çox azdır. Amma mütəxəssislərin fikrinə görə, bu qədim tikililərin təbii mənşəyi barədə mülahizə yürütmək mümkün deyil.
Ola bilər ki, bu yaxınlarda alimlər Antarktidaya yeni ekspedisiya təşkil edəcəklər. Bu ekspedisiyanın məqsədi piramidaların qədim insanlar tərəfindən inşa edildiyini dəqiqləşdirmək olacaq.
