Alimlər orta əsrlərə aid qəbirdən nə tapdılar?
Bu yaxınlarda Avstriyanın Hemmaberq şəhərində arxeoloqlar orta əsrlərə aid qəbirtsanlıqda qazıntı aparıblar.
Qəbirlərdən biri 6-cı əsrdə yaşamış bir kişiyə aid olub. Onun qəbrində qısa qılınc, sancaq və protez ayaq tapılıb. Tapıntı unikaldır. Çünki bu vaxta qədər alimlər Avropa ərazisində apardıqları arxeoloji qazıntılar zamanı belə bir tapıntı ilə rastlaşmayıblar. O dövrdə protezlər ağacdan hazırlanırdı. Bu material isə, məlum olduğu kimi çürüyür.
Tapılan əşyalar bir atlının həyatı haqda bir çox məlumat əldə etməyə imkan verir. Onun skeleti üzərində tədqiqat aparan alimlər ortaq qərara gəldilər ki, atlı ayağının birini çoxdan itirib. Onun ayağı dizdən kəsilib. Həyatının qalan hissəsini o, protez ayaqla yaşayıb. Protez onun ayağına dəmir halqa və dəri kəmər vasitəsilə birləşdirilib. Alimlər eyni zamanda döyüşçünün qalıqları üzərində digər araşdırmalar da aparıblar və kompüter tomoqrafiyası və rentgen şüaları vasitəsilə zədələrin dəqiq xarakteri müəyyənləşdirilib.
Məlum olub ki, döyüşçünün diş problemi olub, burnu sınıq olub. Döyüşçü artritdən əziyyət çəkirmiş. Bu problemin izləri onun çiyin, bel, sol diz,bilək və onurğasında tapılıb. Məhz bu səbəbdən onun ayağının biri dizdən aşağı kəsilibmiş.
Hikmət
