Onilliyin ən eybəcər avtomobil modelləri
Avtomobil bazarında dəbdəbəli, ən son texnologiya ilə təchiz edilmiş, futuristik dizayna malik, idman üslublu avtomobillərlə yanaşı eybəcər modellər də satışa çıxarılır.
Maşın sənayesi tarixinin müxtəlif dövrlərində maraqsız və mənasız dizaynlı avtomobillər istehsal edilib. Məsələn, 70-ci illərin ən dəhşətli modeli AMC Pacer bir müddətdən sonra konveyerdən çıxarılıb. Bununla belə, günümüzdə də eybəcər avtomobillər istehsal edilir.
Ölkə.Az sizə avtomobil mütəxəssisləri tərəfindən hazırlanmış son onilliyin ən eybəcər maşınlarını təqdim edir.
Toyota Prius
Hibrid avtomobil ideyası diqqətlə nəzərdən keçirəndə kifayət qədər şübhəli məsələdir. Toyota şirkətinin dizaynerləri isə deyəsən işə çox həvəssiz yanaşıblar. Yadımdadır, orta məktəbdə oxuyanda dərsə qulaq asmayanda dəftərə bu tip kobud maşın şəkilləri çəkirdim.
Kia Opirus
Seullu dizaynerlər Kianın sedan flaqmanına Mercedes E sinfinin "paltarını geyindirəndə" görəsən nə barədə düşünüblər? Fikrimcə, heç bir avtomobil həvəskarı Mercedes və Kia salonlarını dəyişik salıb alman yerinə qıyıqgöz koreyalını seçməz. Amma Peter Şrayerin səyləri nəticəsində Kia Opirusun dizaynı xeyli yaxşılaşdı.
Nissan Micra C+C
Qatlanan sərt dam örtüyü olan kupe-kabriolet modelləri alıcıların sevimlisidir. Amma bu modellər içində də eybəcərləri mövcuddur. Nissan dizaynerləri tərəfindən Micra modelinin bu qədər eybəcərləşdirilməsi təəccüb doğurur.
Hyundai Coupe
İlk modellərə baxanda insanda belə təəssürat yaranır ki, avtomobilin dizaynı stajçılara həvalə edilib. Bu zaman Hyundai şirkətinin əsas dizayn komandası çimərlikdə kef edirmiş. 1996-cı ildə istehsal edilmiş Coupe o dərəcədə eybəcər deyildi. Amma növbəti illərdə dizaynerlər avtomobili kifayət qədər eybəcərləşdirməyi bacardılar.
Chery QQ6
Ümumiyyətlə avtomobil dizaynı məsələsində çinlilər qədər səliqəsiz ölkə yoxdur. Bu məsələdə də çinlilər plagiatdan istifadə ediblər. Elə bil ki, Daewoo Matiz modelinə baqaj əlavə edilib və maşın üfürülərək şişdirilib.
İj-Fabula
Bu avtomobilə baxanda elə təəssürat yaranır ki, "İj-Orbita" modeli kifayət qədər eybəcər alınmamışdı. Amma Udmurtiyalı dizaynerlərə halal olsun, Fabula modelində bu işin öhdəsindən gəliblər. Fabula sözü də ingilis dilindən tərcümədə təmsil mənasını verir.
Subaru Tribeca
Subaru şirkəti rəbərlərinə dizayner inqlabı söz verən yunan əsilli Andreas Zapatinas işinin öhdəsindən gəlib. Eybəcər formaya salınmış krossoverin dizaynına əl gəzdirildi. Amma bu dəfə Zapatinas yox, digər yunan dizayner, Tribeca bu işin öhdəsindən gəldi.
FİAT Multipla
"Başqa maşınlara oxşamayan avtomobil" tapşırığını deyəsən FİAT dizaynerləri hərfi mənada başa düşüblər. Bəlkə də Multipla pis kompaktven deyil, amma xarici görünüşü biyabırçı səviyyədədir.
Pontiac Aztek
Məşhur amerika brendinin tarixində qara səhifə sayılır. Aztek modeli o qədər eybəcərdir ki, onun dizaynerini "bəşəriyyətə qarşı cinayət" maddəsi ilə məhkəməyə vermək olar. Ştirlisin də dediyi kimi, sonuncu fraza yadda qalır. Bu səbəbdən bir çoxları Pontiac deyəndə Aztek modelini xatırlayacaq.
Ssang Young Rodius
Dünyada Rodius modelindən eybəcər maşın hələ olmayıb. Koreyalı dizaynerlər ən mükəmməl eybəcər yaratmağı bacarıblar. Siyahının lideri Ssang Young Rodius avtomobilidir. Planetin ən eybəcər maşını.
Hikmət
