Dünyanın ən yaşanılası şəhərləri

Dünyada minlərlə şəhər var. Bu şəhərlərdə həyat şərtləri müxtəlifdir.

Ölkə.Az həyat üçün ən yaxşı şərtlər təklif edən şəhərlərin siyahısını təqdim edir:

10) Toronto

Siyahının 10-cu pilləsində Toronto şəhəri qərarlaşıb. Bu şəhər həyat şəraiti, həyat dəyəri, biznes qurmaq üçün yaradılan şərait, demokratiya və ərzaq təhlükəsizliyi məsələsində dünyanın 10 ən yaxşı şəhərindən biridir. Torontoda şəhərətrafı ərazilərdə fəal surətdə inkişaf edir. Toronto Şimali Amerikada ikinci ən böyük ictimai nəqliyyata sahibdir. Hər gün şəhərətrafı ərazilərdən mərkəzə tələsən sakinlər üçün tıxac problemi həll edilməyib. Qeyd edək ki, mərkəzdən kənarda yaşayanların sayı 6 milyon nəfərdir.

9) Berlin

Şəhəri və dünya siyasi sitemini iki yerə bölən Berlin divarları yıxılandan sonra Almaniya paytaxtı texnologiya mərkəzinə çevrildi. Bununla belə, şəhərdə həyat qiyməti bahalı deyil. Berlin-gecə həyatı və yüksək səviyyədə tolerantlığı olan şəhərdir. Gözəl arxitektura, yaşıllıq, sakit atmosfer yaşamaq üçün çox əlverişlidir.

8) Münhen

Başqa bir alman şəhəri siyahının səkkizinci pilləsində qərarlaşıb. Münhendə yaşam keyfiyəti ən yüksək səviyyədədir. Amma hətta alman standartlarına nisbətdə qiymətlər də yüksəkdir. Şəhərdə 20-dən çox iri park var. Əhalinin sayı 1.3 milyon nəfərdir. Yaşıllıq Münhenə xüsusi yaraşıq verir. Şəhərin mərkəzində böyük və hündür binalar yoxdur. İctimai nəqliyyat sistemi ideal vəziyyətdədir. Payızda keçirilən "Oktoberfest" dünyanın hər yerindən turistləri Münhenə cəlb edir.

7) Tokio

Siyahıda 7-ci yer çox böyük ərazisi olsa da, sakitlik və rahatçılığın hökm sürdüyü Tokioya qismət olub. Əhali sayı 13.3 milyon olsa da, bu yapon şəhərində yaşamaq çox rahatdır. Şəhərdə ictimai nəqliyat xüsusən də metro sistemi çox inkişaf edib. İctimai nəqliyyat sürətli, təhlükəsiz və təmizdir. Tokionun qaynar həyatı fonunda təmizlik və sakitlik hökm sürür. Qədim dövrün ənənələri müasir həyatla birləşib. Bununla belə, şəhərdə qiymətlər yüksəkdir, amma eyni zamanda əmək haqları da yüksək səviyyədədir.

6) Oklend

Yeni Zelandiyanın ən böyük şəhəridir. Siyahının 6-cı pilləsindədir. Avstraliyanın rəqib şəhərləri ilə eyni səviyyədədir. Oklend gözəl çimərlik və limanları ilə fəxr edə bilər. Bu liman və çimərliklər təmiz havada istirahət üçün ideal məkandır.

5) Sürix

İsveçrənin Çürix şəhəri də dünyanın yaşanılası şəhərləri arasındadır. Şəhərin ərazisində iki çay və göl var. Bu isə, sakinlərdə dinclik və sakitlik duyğusu yaradır. Sürix əsl sənət mərkəzidir. Burada 50 muzey və 100dən artıq incəsənət qalereyası fəaliyyət göstərir. Sürix təmiz və yaxşı idarəedilən şəhərdir. Cinayətkarlıq göstəricisi minimum, təhlükəsizlik səviyyəsi yüksək olduğu üçün şəhər əla qiymətləndirilir. Eyni zamanda Sürixdə çox nadir hallarda tətillər ola bilər. İctimai nəqliyyat ideal səviyyədədir. Amma unutmaq lazım deyil ki Sürix dünyanın ən bahalı şəhərləri siyahısında dördüncü pillədədir.

4) Sidney

İlin çox hissəsi bu şəhərdə hava əladır. Gözəl çimərliklər, yaşıllıq və əla mətbəx bu şəhərin əvəzedilməz atributudur. Sidney Avstraliyanın ən böyük şəhəridir. Burada 4 milyon sakin yaşayır. Şəhərdə həyat standartları çox baha olsa da, Nyu-York, London, Honkonq kimi meqapolislərə nisbətən mənzil qiymətləri aşağıdır.

3) Melburn

Avstraliyanın digər meqapolisi sayılan Melburn siyahının bürünc medalçısıdır. Burada da 4 milyon sakin yaşayır və şəhər çoxmillətlidir. Avstraliyanın bu şəhərində müxtəlif mədəniyyətlər və müxtəlif millətlərin mətbəxləri vəhdət təşkil edir.

2) Vankuver

Kanadanın Vankuver şəhəri reytinqin ikinci siyahısındadır. İlin əsas hissəsi burada əla hava şəraiti hökm sürür. Şəhər başdan-başa yaşıllıq içindədir. Təbiətin gözəlliyi hər yerdə nəzərə çarpır. Vankuverdə muzeylər, gecə həyatı, restoranlar və şoppinq əyləncə üçün ideal məkanlardır. Dünyanın digər şəhərləri ilə müqayisədə həyat standartları baha sayılmasa da, bu qiymətlər Kanada üçün kifayət qədər yüksək məbləğ sayılır.

1) Vyana

Həyat üçün planetin ən yaxşı şəhəri siyahısında qızıl medalın sahibi Vyanadır. Avstriyanın paytaxtı möhtəşəm arxitekturası, qəsrləri və operası ilə dünyanın bütün turistləri üçün maraqlı məkan sayılır. Şəhərdə cinayətkarlıq aşağı səviyyədədir. Həyat standartları baha deyil və eyni zamanda işsizlik minimum həddədir.

Hikmət
Ölkə.Az