Kassiopey bürcündə qalaktikanın sirri məlum oldu

"Habbl" teleskopunun çəkdiyi fotolar alimlərə Kassiopey bürcünün sirlərindən birini açmağa kömək edib

NGC 278 qalaktikası 1786-cı ildə britaniyalı alim Uilyam Gerşel tərəfindən kəşf edilib. Əvvəlcə bu qalaktika Saman Yolunun kənarlarında ulduz toplusu kimi qəbul edilmişdi. Amma nəzərə almaq lazımdır ki, bu ulduz ailəsi bizdən 40 milyon işıq ili uzaqda yerləşir. Teleskopla baxanda ulduz toplusunun spiralvari qollarını görmək mümkündür. Qolların daxili mavi rəngi onu göstərir ki, NGC 278 qalaktikasında ulduzların doğulma prossesi gedir.

1990-cı ildə qalaktikanın uc nöqtələrinin ilk fotoları əldə edilib. Məlum olub ki, ulduzlar qolların ancaq daxili hissəsində yaranır. Daxili hissə mərkəzdən 10 min il işıq ili uzaqda yerləşir.

Yeni əldə edilmiş fotolar sübut edir ki, NGC 278 qalaktikası tərkibində neytral qaz ehtiyatları olan başqa bir qalaktika ilə toqquşub. Bu isə yeni ulduzların yaranmasına səbəb olub.

Hikmət
Ölkə.Az