Honkonq haqda bilmədiyimiz

Etiraf etmək lazımdır ki, elə bizim saytın redaksiyasında Honkonq haqda çox məlumatı olan işçi yoxdur. Əməkdaşlarımız əsasən Türkiyə, Gürcüstan və Dubay barədə məlumata sahibdir. Bu uzaq Şərq şəhəri barədə müxtəlif faktları topladım.

Ölkə.Az sizi bu faktlarla tanış edir:

1-Uzunömürlülər şəhəri

Honkonq uzunömürlülər arasında dünyanın lider şəhərlərindən biridir. Kişilərdə bu yaş 81, qadınlarda isə 87-dir. Qeyd edim ki, dünyada ən uzunömürlü adamlar Yaponiyada yaşayır. Honkonq bu siyahıda ikinci pillədədir. Yüksək stress, parkinqlərin sayının az olması, maliyyə və mənzil problemləri olmasına baxmayaraq, Şərqi Asiyanın paytaxtının sakinləri dünyanın ən uzunömürlü insanlarıdır.

2-Restoran və kafelər şəhəri

Honkonqda hər 300 nəfərə bir restoran düşür. Bu, dünyada ən yüksək göstəricidir. Çinlilər üçün restoran açmaq həyatlarının ikinci ən böyük arzusudur. Əgər çinlilərin ən böyük arzusunun hansı olduğunu bilmək istəyirsinizsə, deyim. Hər bir çinlinin həyatında ən böyük arzusu dövlət məmuru olmaqdır. Restoran sayının çoxluğu Honkonq üçün aşpaz peşəsinin vacibliyini vurğulayır. Restoranların gəlir səviyyəsi də çox yüksəkdir. Elə restoranlar var ki, adi qabyuyan ayda 20 min Honkonq dolları maaş alır (3 min dollara yaxın).

3-Göydələnlər şəhəri

Honkonq hündürlüyü 100 metrdən çox olan binalar arasında da dünya lideridir. Məlumatlara görə, bu şəhərdə belə binaların sayı 1268dir. Qeyd etmək lazımdır ki, hündürlüyü 100 metrdən çox olan binalar Nyu-Yorkda 684, Tokioda 411, Çikaqoda 302, Dubayda 523, Şanxayda isə 239 ədəddir. O qədər də təəccüblənmək lazım deyil, çünki Honkonq adadır və ərazisi əsasən dağlarla örtülmüşdür. Bu səbəbdən bina tikintisi üçün ərazi azdır.

4-Honkonqda torpaq dövlət mülkiyyətindədir

Honkonqda bütün torpaqlar dövlətə məxsusdur. Şəhərdə cəmi iki yer dövlətə məxsus deyil: Sentral rayonunda Müqəddəs İoann məbədi və Honkonq arxiyepiskopunun oturduğu Honkonq məbədi. Bu torpaqlar Aqlikan kilsəsinə hədiyyə edilib və geri qaytarılması mümkün deyil. Digər ərazilər dövlət mülkiyyətindədir və müntəzəm olaraq yerli auksionlarda kirayəyə verilir.

5-Poçt kodu, sərhəddi və ünvanları olmayan şəhər

Honkonqda standart ünvan formatı yoxdur. Şəhərin rayonları arasında da standart sərhəd yoxdur. Eyni zamanda poçt kodları da mövcud deyil. Bütün məktublar insanlar tərəfindən çeşidlənir və paylanır.

6-Duzlu su şəhəri

Bir neçə milyon insanın yaşadığı adaya su nəhəng borular vasitəsilə Çindən ötürülür. Əhalinin 80 %-dən çoxu məişətdə duzlu dəniz suyundan istifadə edir. Dəniz suyu Honkonqda eyni zamanda kommunal ehtiyaclar üçün, məsələn yanğın söndürülməsində istifadə edilir.

7-Materikdən gələn çinlilər Honkonqa yerləşməkdə çətinlik çəkir

Honkonqa səfər etmək üçün hər bir çinli "Honkonqa buraxılış" adlanan xüsusi sənəd düzəltdirməlidir. Bu sənədin qiyməti 100 yuan dəyərindədir (30 dollar) və sərhəddi keçərək ada-şəhərə keçmək imkanı verir. Bununla belə, il ərzində milyonlarla çinli Honkonqa alış-veriş və ya biznes məqsədi ilə səfər edir. 1997-ci ildən bu yana Çindən 900 min nəfər yaşamaq məqsədi ilə Çinə köçüb.

Hikmət
Ölkə.Az