Bu da Taylandın tatuajlı, göbəyi açıq yeni kralı

Dünən Taylandın kralı Adulyadej vəfat etdi.

Ölkə.Az xəbər verir ki, onun yerinə qardaşı Vajiralongkorn taxta keçməyə hazırlaşır. Vajiralongkornun 63 yaşı var və sonuncu dəfə yay aylarında Münxenə səfəri ilə mətbuatın gündəmini zəbt etmişdi. Belindən düşən şalvarı, tatuajlı bədəni ilə mətbuat səhifələrini bəzəyən vəliəhdin yanında sevgilisi də olub.

63 yaşlı vəliəhd bu vaxta qədər 3 dəfə evlənib və 7 uşaq atasıdır. Dünən vəfat edən Kral Bhumiboldan sonra ona 35 milyard avroluq sərvət qalıb.

Bhumibol 1927-ci ildə ABŞ-ın Massaçusetts ştatında anadan olub. Onun atasi Mahidol o dövrdə Harvard universitetində təhsil alırdı. Ailə sonradan Taylanda qayıtdı və Bhumibol iki yaşı olanda atası vəfat etdi.

Abdulyadejin anası ərinin ölümündən sonra İsveçrəyə köçdü. O dövrlərdə vəliəhd şahzadə sayılan Bhumibol ilk təhsilini İsveçrədə alıb.

1932-ci ildə Taylandda mütləqiyyət rejimi demokratiya ilə əvəz olunduqdan sonra kral ailəsi simvolik xarakter daşımağa başladı.

Bhumibol 1950-ci ildə Banqkokda taxta çıxdı və Sirikit ilə evləndi. Cütlük Parisdə tanış olmuşdu və Sirikit səfirin qızı idi.

Yeni kral taxta oturduqdan sonra 7 il ərzində ölkə hərbi diktatura tərəfindən idarə edildi. Ümumiyyətlə onun hakimiyyəti illərində Taylandda dəfələrlə hərbi çevriliş edildi. Xalq arasında böyük nüfuza sahib olan mərhum kralın şərəfinə həftənin cümə günü ölkədə matəm elan edilib.