"Xiaomi" smartfonlar üçün elastik displey istehsal etdi

Çinin "Xiaomi" şirkəti smartfon telefonlar üçün yeni elastik ekran icad edib. Hələ ki bu sahədə liderlik Samsung şirkətinə məxsusdur. Görünür çinlilər qonşuları ilə rəqabət etmək qərarına gəliblər.

İnternetə yayılan fotolara əsasən, yeni displeyin istənilən istiqamətə əyilə bildiyini anlamaq mümkündür. Bu fotolardan yaxın gələcəkdə yeni rəqəmsal ekranların fərqli olacağı bilinir. Fotoları öz səhifəsinə paylaşan istifadəçinin iddiasına görə, bu displey konsepti yox, yeni smartfon modelidir.

Amma fotolara baxanda displeyin çox nazik olduğunu görmək mümkündür. Bu naziklikdə isə ancaq smartfon ekranı ola bilər.

Necə deyərlər, yaşayarıq, görərik.

Hikmət
Ölkə.Az