Uşaqlığımız geri qayıdır
"Youtube" video portalı artıq televiziyanın yerini almaq üzrədir. Filmlər, seriallar, cizg filmlər, verilişlər və daha nələr nələr.
"Youtube" artıq telefonlarımızda, kompyüterlərimizdə və hətta televizorlarımızda da mövcuddur. Artıq insanlar "Youtube" vasitəsi ilə canlı verilişlər aparır, izləyicilər ilə daha da yaxın ünsiyyətdə olurlar. "Youtube"də ən çox izlənənlər siyahısında da az yaşlı uşaqlar üçün olan cizgi filmlərdir.
Bizim ölkədə yox vəziyyətdə olsa da, digər xarici ölkələrdə həmin cizgi filmlərə milyonlarla izləmə olur. Elə bu boşluğu nəzərə alan gənc animator Nicat İbrahimli Azərbaycan uşaq mahnılarına bir-bir animasiya hazırlamağa start verib. İlk animasiyası "Can nənə" uşaq musiqisidir. Dediyinə görə, bütün uşaq musiqilərinə animasiya hazırlayacaq və bundan əlavə Azərbaycan dilində cizgi film serialının üzərində çalışır.
Bildiyimiz kimi cizgi film çox çətin ərsəyə gələn bir məhsuldur, ona görədə bu Nicatın bir xeyli vaxtını alacaq, lakin nəticə çox gözəl olacaq. Sizə Nicatın hazırladığı ilk uşaq musiqili animasiyanı təqdim edirik:
